Miyones di persona rond mundo ta tuma un aspirina pa dia pa reduci e riesgo di padece enfermedadnan cardiaco of derame celebral, aunke tambe tin evidencia cientifico cu por disminui e riesgo di padece cierto tiponan di cancer.
Entre 40 y 60% di e adultonan mayor di 75 aña di Merca y Europa ta tuma aspirina tur dia of otro medicamentonan antiplaketario.
Sin embargo, e aspirina diario no ta pa tur hende y semper mester tum’e bao di vigilancia medico, ya cu e ta presenta algun efecto secundario.
Awo, cientificonan ta desucbri cu e uzo di aspirina a largo plazo por ta mas peligroso pa pashentnan di edad avansa di loke ta spera.
Personanan mayor di 75 aña cu ta tuma aspirina diariamente ta enfrenta un mayor riesgo di sangrado grave y potencialmente fatal, a haya un estudio publica den The Lancet.
Generalmente, ta recomenda tuma un aspirina pa dia pa semper of otro anticoagulante na pashentnan cu tabata tin previamente un atake di curason of como medida di prevencion pa e factornan di riesgo cu e ta presenta.
Pero te cu awo, e gran mayoria di e investigacionnan riba e bentahanan di e aspirina ta basa riba ensayonan realisa principalmente den pashentnan menor di 75 aña, investigadornan a señala, cu un siguimento di solamente algun aña, di eynan e importancia cu e descubrimento aki ta tuma.
“Nos tabata sa cu e aspirina ta aumenta e riesgo di hemoragia pa pashentnan di dad avansa,” e autori principal di e estudio, profesor Peter Rothwell, di e Universidad di Oxford na Merca, a bisa den un comunicado.
“Pero nos estudio nobo a duna nos un comprension hopi mas cla di e magnitud di e aumento di riesgo y di e gravedad y e consecuencianan di e hemoragia,” el a agrega.
Fuente: https://holadoctor.com