WASHINGTON D.C., Merca – E “Dia D” a yega. Despues di un campaña presidencial largo di un aña y mey, miyones di Mericano lo bay eligi nan presidente nobo.
Pero por supuesto, e dudanan ta persisti. Por lo menos segun Google Trends.
Den e ultimo 24 oranan, e internautanan a acudi na Google pa busca contesta riba nan preguntanan. E mas importante di nan ta “kende ta bay ganando e eleccion,” segun Google Trends, cu a publica e preguntanan di mas busca na Spaño riba e eleccion presidencial.
Otro criterionan di buskeda riba Google entre e habla Hispanonan ta cu kico lo pasa si Trump gana e eleccion y con e candidato Republicano ta bayendo den e encuestanan.
Riba Hillary Clinton – cual nomber den buskeda riba Google ta sobrepasa liheramente na esun di Donald Trump, ora cu e urnanan a habri diamars – e di dos pregunta mas busca ta “cuanto email el a delete.”
Ademas e internautanan kier sa cuanto aña Hillary Clinton tin, dicon vota pa e candidato democrata y si en efecto e lo bay gana e eleccion presidencial 2016.
Durante e ultimo siman e buskedanan relaciona cu e candidatonan, a wordo lidera pa Hillary Clinton, aunke Donald Trump ta sigui riba un margen hopi cera. E terminonan di buskeda pa e otro candidatonan presidencial (Gary Johnson, Jill Stein y Evan McMullin) a reporta nivelnan di buskeda hopi mas abao.
E internautanan tambe a sigui tin duda riba e sistema electoral Mericano, manera cu e buskedanan ta refleha cu e Colegio Electoral a tuma y na e votonan electoral. Esakinan ta e preguntanan mas busca: cuanto votonan electoral tin?, kico ta e Colegio Electoral?, cuanto voto electoral tin mester pa gana?, cuanto voto electoral cada estado tin?, cuanto voto electoral Donald Trump tin?
Fuente: CNN en Español