Rodrigo Alves a transforma su cara asina tanto cu cirugianan estetico cu e ta ireconocibel den comparacion cu su documento.
E “Ken humano” a wordo aresta na Berlin pa no tin documentacion valido. Rodrigo Alves tabata grabando un episodio di e programa ‘Big Brother’ Aleman, ora cu el a wordo intercepta pa autoridadnan cu a pidi’e su documentacion y despues el a wordo deteni door cu e no ta parce su potret di passpoort pa nada. Alves a biaha cu su passpoort bieu y debi na tur e cirugianan estetico cu e tabata tin, polisnan no tabata por a prueba su identidad cu e imagen di e documento.
“Nan tabata kier a verifica cu nos tin permiso di e consul local na Berlin pa graba ariba caya. Tur nos e papelnan tabata na ordo, pero mi a wordo deteni pasobra cu accidentalmente mi a hiba mi passpoort bieu cu a caduca y no esun nobo”, e homber a splica over di e incidente. “No tabata posibel pa polis a verifica mi identidad ya cu mi ta mustra hopi diferente compara cu riba e potret. Un persona mester a trece un scanner di mi passpoort nobo pa nan a lagami den libertad”.
Den un esfuerso pa mantene su mes hoben pa semper, prome cu el a biaha pa Alemania el a haci un otro cirugia na su cara, aunke el a bisa no haci mas cirugia cosmetico.
E strea di television naci na Brazil a gasta mas di 668 mil dollar na cirugia estetico pa añanan largo den su esfuerso pa “mantene su mes eternamente hoben manera Peter Pan”.
