Ken Daphne Lejuez a bay representa na Hulanda???

Opinion Publico:

Parlamento luna pasa a prohibi Benny Sievinger pa biaha pasobra e ta un sospechoso y ta un berguensa pa e representa Parlamento di Aruba.

Awor ken Daphne Lejuez ta representa na Hulanda riba e topico di Statuut? Un ladron di asiento por representa Parlamento?
Loke Lejuez a hasi dia 13 di november ta wordo yama na Hulandes “zetelroof”. Robo di asiento. Un hende cu ta comete robo ta un ladron den e caso aki di asiento, irespecto kiko ley ta bisa, su decision di a horta e asiento di partido MEP y bay cun’e na oposicion, tabata fout. Pa colmo, ta hende cu a haya 100 y pico voto so.

Sucumbi pa presion di sector priva, Lejuez a tambalea y purba destabilisa e gobierno. Comerciantenan poderoso a pone placa den wega pa benta gobierno abou, asina yuda nan partido AVP bin na mando. Pero pa nan malasuerte nan no a logra! Tur esaki a genera un rabia enorme den comunidad. Pueblo ta rabia y harta cu placa y poder ta exigi cosnan cu no ta den interes di pueblo en general pero solamente di un grupito cu tin e hendenan aki riba payrol.
E pregunta ta na Parlamento: kiko Daphne Lejuez a bai hasi Hulanda? Kiko e sa di Statuut? Ken e ta representa? Kiko ta e diferencia entre Daphne Lejuez y Benny Sievinger? Un ladron di asiento por representa Parlamento? Preguntanan cu comunidad ta hasi nan mes y cu ta exigi contesta di Parlamento

Comments

comments