HOLLYWOOD, California – Faltando 139 dia pa e estreno di Star Wars: The Last Jedi,” a keda divulga algun imagen nobo for di e entrega nobo aki di e saga, caminda cu ta aparece e lider supremo di e prome orden: Spoke (Andy Serkis, conoci como Gollum di Lord of the Rings), Luke Skywalker (Mark Hamill, kende a cuminsa den e prome saganan den añanan 70 di e pelicula) of e guerero malbado, Kylo Ren (Adam Driver).
Potretnan ya caba a wordo publica riba e cuenta di Twitter, Star Wars Stuff, unda tambe por a conoce e aspecto cu lo bay tin den “The last Jedi” Finn (John Boyega), un di e miembronan di e resistencia. E capitan Phasma (Gwendoline Christie) of e enigmatica heroina Rey (Daisy Ridley).
Pero vooral, lo devela e aspecto real di Snoke, kende te awor aki por a mira un holograma gigante.
Di e manera aki por keinta e espera di e fanaticonan pa loke ta e estreno, dia 15 di December proximo na Merca di e episodio VIII di e saca, concebi pa George Lucas, cu despues di dia 14 di April ultimo, lo estrena un inkietante y “dark” trailer di e entrega nobo aki cu a supera 37 miyon di view riba Youtube.
“The Last Jedi”, titulo cu a duna di conoce na comienso di aña, ta wordo dirigi pa Rian Johnson y ta contene e ultimo interpretacion di Carrie Fisher (Leia), kende a fayece na December di aña pasa.
E fil, cu lo sigui esun ultimo “Star Wars: The Force Awakens,” lo conta cu e reparto di Ridley, Boyega y Oscar Isaac (e piloto Poe Dameron), presente den e di shete episodio y lo duna un bon bini na actornan nobo manera e Portoriqueño Benicio del Toro, Laura Dern y Kelly Marie Tran.
Fuente: http://www.elnuevodiario.com.ni