LIMA, Peru – E excandidato presidencial Peruano, Keiko Fujimori a declara diahuebs dilanti un fiscal cu ta sigui un investigacion preliminar pa e presunto comision di delito di labadonan di activo, su partido, Fuerza Popular a confirma den un comunicado.
Fujimori a acudi na e Segunda Fiscalia Supranacional Corporativa Especializada en Delitos de Lavado de Activos, despues di a wordo convoca pa di tres biaha “bao di e apercibimiento di a haci uzo di tur e apremionan cu ley ta indica,” segun medionan local a agrega.
Fiscal German Juarez ta na cargo di e interogacion tras di denuncia di e abogado Carlos Huerta Escate, pa placa recauda pa Fuerza Popular den recepcionnan realisa na November y December pa financia nan campaña electoral di e aña aki.
Tambe pa aportacionnan cu el a ricibi pa mas di 1.7 miyon di soles (mas of menos 512 mil dollar) y pa e presunto conexion cu un organisacion cu sede na Merca cu a evita consigna e nomber di donantenan na su candidatura.
E yiu di e expresidente encarcela Alberto Fujimori (1990 – 2000) a bandona e sede fiscal sin declara na periodistanana, aunke su partido a entrega un comunicado caminda cu e ta afirma cu el a acredita “cu no tin responsabilidad den un caso di labamento di activo.”
Fuera Popular a señala cu su statutonan y legislacion vigente den material electoral ta establece cu “no ta competencia di e presidencia di e partido,” cu Keiko ta ocupa, resolve e temanan di financiacion, cu ta coresponde “directamente den e area di tesoreria.”
El a agrega cu e partido “a resolve y a subsana satisfactoriamente e observacionnan” cu e Oficina Nacional de Procesos Electorales (ONPE) a haci riba su ingresonan durante campaña.
El a considera, den e sentido aki, cu e investigacion inicia pa e fiscal Juarez “lo falta di sustento.”
Fin di siman pasa, medionan local a informa cu Fujimori a presenta un recurso di apelacion dilanti Juarez pa e prescindi di su declaracion y ta e secretario general di Fuerza Popular, Jose Chlimper, ta esun cu tin cu presenta den su despacho.
Sin embargo, su solicitud a wordo declara improcedente dia 24 di Octuber ultimo y Juarez a precisa cu e declaracion di e lider politico “lo contribui na finnan propio di e investigacion preliminar.”
E casa di Keiko, e Mericano Mark Vito, tambe ta wordo investiga pa Fiscalia di e labamento di activo door di a cumpra terenonan industrial pa mas di 617 mil soles (185.843 dollar) na e balneario di Chilca, zuid di Lima, medionan local a señala.
Fuente: NTN24