Sr. Kawish Misier ta un di e miembronan di directiva nobo di Camara di Comercio pa e proximo 3 añanan, y ta un young entrepeneur. El a wordo eligi pa representa Midden- en Klein Bedrijf. El a gradua recientemente na Universidad di Aruba, den su Masters den International Business.
E ta hopi bon prepara y tin bon idea, creatividad y e drive di con pa yuda mehora pais Aruba y e Business Community. Den e directiva tin diferente comisionnan, di cual e mes ta forma parti di 3 comision y un di nan ta di young entrepeneurs. Ta hopi importante pa focus riba e young entrepeneur, e generacion di mas nobo. Sr. Misier ta un di esunnan di mas jong den e directiva den e ultimo 87 aña di Camara di Comercio.
Tambe Sr. Misier ta forma parti di e directiva di Turismo y Transporte. Aruba ainda ta depende pa 90% di Turismo. E aña aki lo wak si esey lo cambia of lo keda asina. E ultimo comision cu e ta den dje ta e R.O.P.V. (Rentelijke Ontwikkelings Plan met Voorschriften). Esaki ta e wes’i lomba di pais Aruba y e desaroyo di Aruba lo depende di e R.O.P. V.
Tin cierto tipo di negoshi cu ta hopi den cierto barionan y hunto mester wak con pa mehora e clima di inversion na Aruba y no solamente regula pero bin cu industrianan alternativo. Mester keda atractivo pa inversionistanan. E directiva ta uno hopi dinamico y hopi fuerte.