Kaveri Raghunath managing director di New India Assurance ta splica cu e compania a traha duro pa por a logra un bon cao pa e trahadornan aunke cu tin su retonan.
New India tabata tey pa firma e contracto colectivo cu STA y e shopstewardnan pa e trahadonan di New India y nan ta sumamente contento pa esaki. Ta sigur cu e shopstewardnan, e trahadonan y siguramente STA tambe ta contento pa esaki. E tabata un proceso smooth, uno alegre y asina kier pa e keda di awor en adelante y cu e cooperacion di STA, e shopstewardnan y e trahadonan, ta sigur lo bay logra, segun Raghunath.
E profesional a sigui splica cu esaki sigur tin su reto. Pero manera cu el a splica anteriormente, esaki ta algo cu a traha hopi duro pe. Ta algo cu tur dia ta keda traha duro pe. Ta pidi cooperacion di Gobierno, cooperacion di Departamento di Trafico pa asina por haci cu tur hende manera di e problema cu tin, cu tin hopi auto cu no tin seguro pa asina percura pa hendenan bira mas conciente riba esaki y tur dia ta keda purba y tin cu motiva e trahadonan di un manera. Segun Raghunath, esaki ta e manera di mas miho cu por a haci. E CAO aki ta conta pa un total di 25 trahado.
Kaveri Raghunath a sigui splica cu di banda di New India ta un compania solido di mas di 50 aña, unda cu ta brinda e miho servicio, e miho producto y a demostra esaki y no a cambia e nomber nunca. Nan ta di un famia. El a cuminsa for di e welo di Raghunath. E ta di generacion pa generacion y ta un compania cu lo tey pa hopi aña mas. Cerca New India tur hende tin un seguro sigur, un respaldo sigur y un servicio sigur.