WASHINGTON, D.C., Merca- E nominado di presidente Mericano, Donald Trump, pa Tribunal Supremo, Brett Kavanaugh, y su supuesto victima di abuso sexual Christine Blasey Ford a mantenen nan respectivo versionnan. Esaki a tuma luga den un audiencia politico unda cu por a wak lagrima y reprochenan.
Christine Blasey Ford ta mantene su siguransa di cu Kavanaugh tabata esun cu kier a abusa di dje, durante un fiesta universitario, 36 aña pasa.
Ford a acudi na Capitolio pa wordo interoga pa e Comitee Hudicial di Senado, forma pa un mayoria abrumador di hende homber, pa splica su version di supuesto intento di violacion di kavanaugh. Esaki lo a sosode den verano di 1982, tempo cu ambos tabata adolescente.