Directora di Dimas, Katy Paskel,a comenta cu e huramentacion cu a tuma luga recientemente di e empleadonan di Dimas ta uno hopi importante y ta mustra riba e parti di integridad.
El a splica cu tin un grupo grandi di personal sea cu a huramenta of haci un promesa. Ta un ocasion special pa Dimas. E ta un statement cu nan ta haci como organisacion tambe cu nan ta para pa integridad y cu nan accionnan mester refleha tambe kico ta esakinan bek den e trabaonan diario. Tin un total di 60 miembro di personal cu a tuma esaki, sea un huramentacion of un promesa. Den e grupo grandi aki tambe ta parti di personal cu ta riba contract. Esaki ta un novum pa Gobierno y ta contento como departamento por pone esaki, pasobra nan ta un departamento cu hopi biaha ta den luz negativo y kier mustra tambe cu nan accion por cambia e luz cu ta riba nan, door di sigui traha y mustra cu accionnan cu e empleadonan ta integro.
Pa atende riba base anual ta 15 mil peticion. Loke ta permisonan regular, ta bisa e cantidad di cliente ta deal cun’e y riba esey tin otro productonan manera estadia di turista, declaracion. Un fluho di cliente en berdad y pa Dimas ta hopi importante cu e personal cu nan accionnan, cu nan servicialidad, siguiendo regla y proceduranan, ta cumpli cu locual cu nan a huramenta y/of haci promesa pe. Esey a pasa den e siman aki diferente training, unda cu a bolbe inculca den e personal con por haci esaki, kico ta e retonan cu por topa cun’e. Na momento cu ta un departamento cu ta atende cu permiso, e tin su parti cu ta vulnerabel. Hendenan por acerca y pa ta fuerte y pa bo no cay den tentacion, ya cu bo a priminti como sirbidor di pueblo y cumpli cabalmente cu e promesa cu a wordo haci. importante
Tin den mesun departamento diferente checks and balances, cual ta na Dimas mes. Tin diferente medidanan di control den e proceso.
Dimas ta un di e departamentonan cu ta wordo gescan. Ta haya diferente momento control y e enfoke primordialmente ta riba e parti di duna servicio. Ta bayendo den e lunanan cu ta bin cu stapnan chikito, pero sigur riba un era di digitalisacion. Tabata tin tres dia cu Dimas tabata cera pa curso di integridad, pero tambe con pa traha cu computernan nobo y pa fin di Maart ta spera di tin un sistema nobo y ta bayendo pa traha mas digital. Asina por bisa cu e ta un cambio grandi, tanto pa personal, como tambe pa pueblo. Clientenan lo bay ripara e cambio aki, door cunan lo bay ta mas dirigi riba e parti digitalisa.
Segun Paskel, nan tin un contracto estrecho den e cadena di stranheria. Iasa ta un di nan. Tin acceso na nan sistema, pues na momento cu ta trata peticionnan pa un permiso, nan lo verifica si e persona ta deporta, expulsa y cua ta e periodo cu ta acopla na esey cu e no mag di drenta bek. Den caso cu e periodo ey ta vigente ainda, lo nenga e permiso en cuestion. Esey ta trahando fantasticamente y locual cu kier haci ta tambe cu den futuro, pa fin di Maart of tiki despues, cu e informacion ey no mester busk’e den sistema, sino e sistemanan mes ta papia cu otro y ta forma parti di e dossier cu nan tin pa trata, segun Paskel.