Karsten Klein cu tabata wordo apoya pa partido AVP ta retira su candidatura pa parlamento Europeo

Ex wethouder Karsten Klein ta retira su candidatura pa Parlamento Europeo. Pa e proximo eleccion di dia 23 di mei, e tabata candidato nr. 3 ariba e lista di CDA. Recientemente Klein tabata na Aruba ariba invitacion di partido AVP, cu tabata haci yamado pa sostene candidatura di Klein y tambe, pa deposita nan voto pa Klein.
Esaki a Klein mes a informa den un comunicado publica ariba e portal di CDA. Klein, cu durante 8 aña (2010 – 2018) tabata wethouder na Den Haag, kier tin mas tempo liber pa su famia. “Door di cambionan den mi rol como tata, mi no por y tampoco lo kier tuma e stap pa bay Brussel actualmente. Mi ta scoge pa keda den mi ciudad Den Haag.
Klein a bisa cu e tabata un decision poco dificil, pero cu ta e decision corecto. E lo keda envolvi cu CDA y lo sigui sostene e partido aki den e temporada di campaña relaciona cu eleccionnan pa Parlamento Europeo.

Comments

comments