Karin Bosman a bin for di Hulanda pa asina conta di su experiencia personal y papia di e buki cu el a skirbi riba dje. Durante e seminario aki, cual ta wordo organisa pa Bossi Security, Bosman ta duna un conseho kico tur por wordo haci.
Durante su charla e ta papia di e caracter di e acosador sexual. Awo ta bay riba con un compania por percura pa acomodacion sexual por wordo gemeld pa polisanan di compania, cu proceduranan miho con nan por tuma kehonan di acoso sexual pa asina pone duidelijk cu e no ta wordo tolera. Loke por compronde riba acoso sexual kico e ta y kico e no ta.
Actualmente a haci investigacion y a ricibi mas di 500 reaccion. E resultado di esaki cu 37% di e populacion laboral a experencia acoso sexual a base diario, pa siman of hasta mensual. Hende mester sa kico ta acoso sexual y kico e ta haci pa e victima, pa esnan cu ta rond di e victima, pero tambe pa e empresa, daño di reputacion, hende no kier bin mas kantoor, hende cu ta meld ziek. Tur cos hunto tin cu pone hende bira conciente kico e ta haci y con nan por proteha nan mes.
Durante su charla, Bosman a conta en corto riba su buki. Tin asina hopi conocemento disponibel pero no ta haci nada cun’e. Sa kico mester haci, pero no tin instruccion. Si no tin esey, e ora no por soluciona e problema.
Mester percura cu tur ley cu nos tin, tur medida cu un empresa por tin of tin, cu e por wordo implimenta pa proteccion di e trahado cu por bira victima di acoso sexual.