Kamala Harris a huramenta como e prome Vicepresidente femenino di Merca

Kamala Harris, a huramenta awe diaranson como como vicepresidente y a bira asina e prome hende muher den yega Whitehouse den e puesto aki.

Harris, di 56 aña di edad, a wordo huramentada door di Huez Sonia Sotomayor, kende ta e prome Huez latino di Corte Supremo Mericano, algun minuut prome cu Joe Biden asumi Presidencia dilanti e titular di e tribunal maximo, John Roberts. Su antecesor, Mike Pence, tabata presente como representante maximo di e Administracion saliente, tumando na cuenta e ausencia di Donald Trump, kende a biaha pa Florida algun ora prome.

E Vicepresidente nobo a asisti na e ceremonia acompaña pa su casa, Doug Emhoff, y eligi un set di paña blou pa e ceremonia cu a keda celebra den e frontis di Capitol. E prome bijbel cu Harris uza pa huramenta a pertenece na un amiga di su famia, Regina Shelton; y e di dos tabata propiedad del fayecido Huez Thurgood Marshall, kende tabata e prome afroamericano cu a forma parti di e Tribunal Supremo y tabata un gran mentor pa e vicepresidente Mericano.

E huramnetacion a keda celebra cu un publico reduci debi na e protocolnan pa evita contagio cu Covid-19, y su dispositivo di siguridad ta esun mas potente di e historia di e pais, cu hasta 25.000 militar ariba pia na Washington, enfrentando e temor di atakenan nobo similar na e asalto na Capital di 6 di Januri.

Comments

comments