Diasabra den careda di 2’or di marduga algun persona cu tabata pasando e caminda di Sabana Blanco net na altura di arucar pa e substation di elmar a tuma nota di un pal’i luz na candela, di biaha polis a keda dirigi p’e sitio.
Na yegada di patruya di Oranjestad ta topa cu di berdad kabelnan na candela te cu pal’i luz a cuminsa pega candela. Di biaha a pidi presencia di brandweer y elmar.
Na yegada di bomberonan a opta pa warda elmar kita coriente prome cu basha awa. Despues cu esaki a keda regla e bomberonan a spuit e palo completo y e candela a keda domina.
Ta desconoci kico tabata e causa debi cu e candela a cuminsa di abou bay direccion ariba.