Diahuebs atardi riba caminda di Kudawecha pa Sabana Liber un truck di carga a yega dilanti un cas y momento cu e chauffeur a reverse pa staciona bon un kabel di coriente abou a haak ariba ne truck y a ranca otro kabelnan y pone cu un pali luz a kraak y kibra cay riba un bus di Arubus cu basta mucha aden.
E chauffeur di e bus a dal un brake di golpi manera esaki a sosode, tur hende den e bus a keda spanta, polisnan a presenta di biaha pa cera e caminda. Brandweer tambe a presenta pa mira e situacion pero e peliger no tabata t’ey mas debi cu no tabatin coriente mas riba e kabelnan.
Personal di Elmar tambe a presenta pa mira e situacion y a constata cu un kabel abou na un cas a pega ne parti ariba di e truck y consecuencia a keda ranca.
