PALM BEACH – Diasabra, pa mas of menos 5’or y 25 di atardi, comandante na warda a dirigi patruya di Strandpolitie na altura di Ritz Carlton den cuadro cu un ladronicia. A papia cu e homber KH., kende a declara cu el a bay cuminsa cu su trabaonan na altura di Ritz Carlton. El a sigui splica cu el a laga un kabel di 50 meter pabao di e edificio, pasobra e kabel tabata necesario pa e siguiente dia. Diasabra, banda di 2’or di merdia, KH a wordo yama y informa cu e kabel a wordo horta pa desconocidonan. Keho a wordo tuma.