Jump18 lo forma parti di e di 5 edicion di Diabetes Run & Walk 2022 riba diadomingo, 13 di november, cuminsando na Botica di Servicio Eagle. Hunto cu nan muchanan, e organisacion di Jump18 lo ta presente pa core pa e causa di trece miho cuido y maneho di diabetes.
Aruba Aloe y Botica di Servicio, hunto cu Subway, a extende e invitacion na organisacion Jump18 pa participa hunto cu nan muchanan den e di 5 Diabetes Run & Walk 2022. Ademas, e muchanan cu a inscribi a participa pa e chens di gana un di e premionan di e Early Bird Special cu a wordo organisa pa e Diabetes Run & Walk durante e luna di september.
Danki na esaki, un di e muchanan di Jump18 a bira un di e felis ganadornan di e Early Bird Special cu a wordo organisa pa e Diabetes Run & Walk durante e luna di september.
Jump18 ta enfoca riba capacita muchanan y nan mayornan pa un miho salud y bienestar y asina disminui e incidencia di obesidad infantil na Aruba y mejora e bienestar general di muchanan na Aruba te cu e edad di diesocho aña. e organisacion su meta ta pa garantisa e bienestar saludable di muchanan na Aruba pa medio di reduci e carga di enfermedadnan asocia cu obesidad infantil.
E meta di e Diabetes Run & Walk e aña aki ta pa por recauda fondo pa yuda preveni diabetes tipo 2 atraves di e progama di PRISMA Prevencion cu Fundacion Diabetes Aruba ta bai provee.
Aña pasa, e Diabetes Run & Walk a recauda un total di AFL. 10.000 den fondonan e cualnan a wordo dona na Fundacion Diabetes Aruba pa nan progama di PRISMA Diabetes. PRISMA Diabetes ta un programa, en especial pa personan cu diabetes tipo 2 cu kier tuma control di nan salud, crea un miho maneho di nan diabetes y preveni cualkier otro complicacion di salud. Esaki ta hasi posibel pa participantenan di e workshop haña mas conocimiento necesario pa maneha diabetes tipo 2.
Participantenan por registra via www.diabetesrunaruba.com y ora di registra, e participante lo ricibi un dri-fit shirt y tambe un medaya na final di e run. Riba e website tambe por wak e resultado di aña pasa cu tur e ganadornan den cada categoria.
Scan e QR code aki y inscribi pa nos newsletter pa mas detaye tocante e di 5 edicion Diabetes Run & Walk 2022.