Den consulta cu Fiscal di Ministerio Publico (OM) a dicidi diamars atardi cu Julius Koko ta recobra su libertad.
Esey despues cu awe tardi el a duna, durante su detencion di 6 ora, un declaracion na polis relaciona cu e suceso di destruccion di diabierna ultimo na Baoase Resort.
E investigacion di parti di KPC relaciona cu e destruccion ta continua. Julius Koko ta keda sospechoso den e caso aki.
CASO
E periodista Julius Koko tabata deteni pa algun ora pa interogacion. Segun e periodista y activista Baoase Resort a haya su permisonan via amigonan den e circuito ministerial.
Como protesta ariba esaki, e manifestantenan bou di su guia a destrui un heki y a subi e tereno. Segun Koko ta bisa, niun hende a drenta e cambernan. E ta keda un sospechoso den e caso aki.