MIAMI, Merca – E despacho di e abogadonan Sevillano, Bufete Osuna, a haya un prueba di ADN cu ta duna un resultado di 99,99%, e maximo posibel, cu ta conclui cu e cantante Julio Iglesias tin un yiu homber, te awor aki secreto, un Valenciano di mas of menos 40 aña di edad.
Fuentenan di e bufete a confirma na Efe cu ta trata aki di un homber cu ya pa varios aña a purba di haya e reconocimento di su afiliacion, un intento fayido pa defecto procedimental.
Su mama tabata tin un relacion cu e cantante, fruta di cual el a sali na estado y tras e paso di añanan, awe e yiu extramatrimonial aki, ta esun cu a dicidi di ehecuta e proceso ampara pa articulo 39 di e Constitucion Spaño, cu ta contene e amparo y e garantia di investigacion di e paternidad pa tur hende.
E prueba di ADN a wordo logra na Miami y e lo bay anexo na e demanda cu ta wordo presenta en breve.
E caracter “absolutamente legal y contundente di e prueba biologico, uni na e alto porcentahe di e resultado, ta uni e resto di e documental, por escrito di e demanda, pidi pa reproduci e resultado aki, den marco di un procedimento hudicial,” e bufete ta splica.
Ta trata di un despacho, specialisa den e tipo di casonan asina cu ya a demostra na 2016 cu e torero Manual Diaz, ta yiu di Manuel Benitez “el Cordobes”, entre otro casonan di importancia.
Fuente: www.rcn.co