Siman pasa na SPO Santa Cruz segun informe a sucede un caso hopi serio y inaceptabel cu casi a pone un hoben bou di 15 aña pone fin di na su bida debi na deprecion. Scol a habri un juffrouw den klas cu tur mucha sinta paden a haya ta bon pa e puntra un studiante masculino si e ta ‘ gay ‘ como un ofensa dilanti tur e otro alumnonan.
E palabra aki a cay den mal tera unda e otro studiantenan den e klas y e otro muchanan a cuminsa bully e hoben formalmente henter siman, y e hoben bou di 16 aña a pensa asina leu di pone fin na su bida debi na e tentamento cu a bay completamente for di man. E hoben no tabata kier a bay scol mas caminda e ta keda di bully pa tur hoben na scol paso juffrouw a puntre si e ta gay. E ta hayando yudansa
Ta algo inaceptabel con un docente por a haci esaki, pasobra si e studiante a responde e juffrouw bek puntre si e ta tal tal na un manera no mucho bon, e ora ey si e docente kier core castiga e studiante dune straf. Esaki ta cla y raspa cu e juffrouw aki a pasa su liña y tin cu keda castiga di parti di departamento di enseñansa.
Esaki a haya un atencion grandi caminda tin varios departamento di Gobierno a cay aden y carta traha contra di e juffrouw aki unda lo bay tuma paso contra di su persona, debi cu e hoben a yega asina leu cu e pensamento di kier a pone fin na su bida, pero danki dios na diferente departamento e ta hayando e atencion cu e mester pa guie.
nos ta spera di por haya mas informe pronto riba e caso aki for di tanto Ministeri concerni y si mayor kier duna nan banda over e caso aki.