Tabata tin yamadanan haci na e scol, pa wak kico a pasa cu e les. Juffrouw Suki a hasta haya cu e director di DPS cu su persona a sali dupe di tur e asunto. Cu lastima cu e mester a pasa den un caso asina, pero pa e keda trankil ya cu tur cos lo sali bon. Pero eynan, nada no a sali ainda. Eynan DPS a tene un combersacion cun’e. Ariba un diabierna, 5 di Maart, cu el a haya un carta. Juffrouw Suki no por a kere, ya cu e ta un persona hopi priva. Su alumnonan ta stim’e masha mes.
Den e carta ta para cu su persona lo haya un schorsing cu pago, pa 5 dia. E lo no ta bay ta den klas mes, cu e lo haya un trabao na scol mes. Y tambe cu e lo haya begeleiding. Segun Juffrouw Suki, e no por a kere. Dos siman prome, DPS a bis’e cu e a sali di malo den henter e asunto aki.
Dialuna mainta, un trahado di Minister, N.A. a yama na su trabao y ta puntra e directora cu dicon Juffrouw Suki ta na trabao ainda. Eynan el a bay AO pa dos siman. Kisas door di esey, hopi hende ta kere cu el a haya schorsing. Juffrouw Suki Croes tin 10 aña trahando como maestra.
Juffrouw Suki Croes a wordo ataca den diferente medionan di comunicacion, y door di personanan cu su persona no conoce mes. El a lesa tur e comentarionan, tanto positivo tanto como esunnan negativo. El a lesanan varios biaha, y e tabata puntra su mes, dicon hende ta papia asina ariba dje.
Despues di esaki, el a bay busca yudansa na SIMAR. El a haya esaki tambe, pero despues cu e no a haya yudansa mas for di nan, pa kita tur e cartanan, el a kies pa bay cu’n otro abogado.