Recientemente Judoka Isaac Croes a sali pa e World Judo Senior Championship & Teams 2017 cual ta tuma luga na Hungria.
Despues cu e judoka Isaac Croes a competi den e Open di Cancun na Mexico, e judoka Arubano, residencia na Merca a entrena den e centro di alto rendimento na Mexico City di 22 di Juni te 15 di Juli. Despues e la regresa Aruba pa un vacacion chikito unda e la keda entrena bou guia di coach Alexis Cardenas. Banda di e tecnica di judo, coach Alexis a pone hopi enfasis riba e condicion fisico y forsa.
E competencia di World Judo Senior Championship & Teams 2017 lo tuma luga den e László Papp Budapest Sports Arena, e dianan 28 Augustus pa 1 di September. Esaki lo bira Isaac su di prome World Championship den Senior. Mester bisa un totaal tin 136 pais, 796 judoka lo participa den e WC Judo, di cual 484 judoka masculino y 312 judoka femenino. E judoka Isaac Croes lo ta e unico representante di Aruba y lo bringa den e categoria, -60 kilo, unda tin 67 atleta di nivel halto riba ranking mundial, entre nan e number 1 di mundo Papinashvili di Georgia y number 2 di mundocual ta er Takato di Japon. Isaac mes ta number 222 riba ranking mundial. Na Hungria Isaac lo wordo guia pa coach nacional di Aruba, Fiderd Vis.
Den su prome salida na Hungria, Isaac a competi contra di Gonçalo Mansigno do Portugal. Isaac a bai ful su combate y a perde cu un Wasari. Comentaristanan tawatin hopi bon comentario over di dje. Mester dune beneficio di duda mirando cu el a sali di dos tirá na un manera acrobatico. Tambe e comentaristanan a resalta cu mester tene Isaac Croes na bista.
Masnoticia ta desea Isaac Croes tur clase di exito na Hungria y sigui pone nomber di Aruba na halto.