CARACAS, Venezuela- E presidente di e Asamblea Nacional Juan Guaido, a huramenta como presidente di Venezuela, mei mei di un marcha multitudinario na Caracas, diaranson 23 di januari, algun minuut despues di cu e Tribunal Supremo di Maduro a duna orden na Ministerio Publico di actua penalmente contra di e diputadonan.
Guaidó a admiti cu su decisionnan lo tin consecuencianan pa cual el a pidi e pueblo Venezolano pa lanta nan pa tuma huramento y comprimos cu e echonan cu lo sigui den e Venezuela agita.
Ademas, el a ratifica Gustavo Tarre Briceño como representante di Venezuela na OEA, un decision a pone cu e TSJ a pidi pa actua contra di e Asamblea.
El a bisa cu e siman aki lo imprimi e Ley di Amnistia pa e funcionarionan publico cu dicidi di somete nan mes na e decision aki.
Diamars, vice presidente di Merca, Mike Pence, den un mensahe manda na opositornan Venezolano convoca pa e marcha di dia 23 di januari, a expresa e apoyo na e gobierno Mericano, cu ta spera cu “democracia wordo restaura” na Venezuela.