CARACAS, Venezuela- Segun agencianan di noticia, diahuebs mainta, pa mas o menos 10 or, al menos tres autobus den cual tabata biahando tanto parlamentarionan como e lider di oposicion, Juan Guaido a logra pasa e via di salida di Caracas, despues di cu e blokeo y puntonan di control di e Polis Nacional Bolivariano (PNB) a wordo retira.
“Ta confirma, e ta riba caminda”, un colaborado di Guaido a bisa na prensa ora di a wordo consulta riba e salida di Caracas di e politico, cu a wordo reconoci pa mas di 50 pais como presidente interino di Venezuela.
E parlamentarionan lo yega ta na e frontera cu Colombia pa lidera e entrada di alimento y remedi den teritorio Venezolano, programa pa diasabra proximo.
E caravana lo purba recore mas di 900 km di caretera, den un biahe cu ta calcula cu lo dura 12 hora. Si tur cos bay bon, e vehiculonan lo yega diamars na e estado fronteriso di Tachira, na vispera di e megaconcierto ‘Venezuela Aid Live’.
Segun denuncianan di varios periodista na Caracas, Polis Nacional Bolivariano (PNB) a blokia e vianan di salida di e capital Venezolano pa evita salida di e caravana humanitario.