ARKANSAS, Merca- Fansnan di TLC dialuna anochi lo tin wak un otro yiu muhe di Jim Bob y Michelle Duggar drenta enlace matrimonial, den e premiere dialuna di “Counting On”. Pero no ta tur e yiunan adulto di e pareha Duggar ta casa.
Joy-Anna Duggar lo casa cu su amigo di infancia Austin Forsyth durante e di dos temporada di Counting On. Joy Anna di 19 aña a bisa “Si” luna pasa, compaña pa su rumannan. Mientras cu su bruidmeisjenan Jill Dillard, Jessa Seewald y Jinger Vuolo cada un ta casa, nan ruman mayor, Jana Duggar ta e unico yiu muhe cu ainda ta soltera.
Jana, apesar di loke algun fans ta kere, ta bisa cu e ta soltera pa escogencia. Aunke cu el a yega di ricibi varios propuesta matrimonial, e mucha muhe di 27 aña a yega di bisa cu ainda e no a haya e homber ideal.
Un conseho Jana tin pa su fansnan cu ta soltera, pa no worry pa forma un relacion pero pa yena nan dia cu trabaonan di importancia. El a sigui bisa cu su mayornan semper a encurasha cada un di nan pa sirbi esunnan cu ta rond di nan y cu ora e ta sinti su mes down of depresivo e ta busca manera pa bendiciona un otro.
E yiu muhe mayor di Jim Bob y Michelle ainda ta biba cu su mayornan y ta bisa di cu e gusta bay na un Cas di Retiro pa Veteranonan y ta deleita nan cu su musica y canto.
Ruman homber di Jana, Josh Duggar tabata e prome yiu di Jim Bib y Michelle pa casa. E ta casa cu Anna Duggar desde 2008. Su otro ruman, Joseph Duggar tin planea pa casa cu Kendra Caldwell den herfst di e aña aki.
Fuente: www.yahoo.com