Central ta wordo dirigi na Postkantoor na San Nicols pa un persona fastioso. Eynan security a declara cu e conocido Jovi ta esun cu tabata haci fastioso. E caha pa pagamento di uitkering ya tabata cera. Jovi a bin laat pero toch tabata kier a drenta paden y a cuminsa haci fastioso na porta. Na yegada di polis, a mira Jovi den vecindario. A bay papia cun’e pa bise cu e mester bay for di postkantoor pasobra cu e tabata laat y cu e mester pasa diamars na Sociale Zaken pa asina e haya su uitkering. Jovi no tabata contento, pero el a bandona e sitio. Central a wordo poni na altura.