E fin di siman aki tin actividad grandi pa tur miembro di Scouting Aruba caminda tin e famoso evento di Joya y Joti 2019. Esaki ta un campamento nacional caminda mayoria grupo di Scout di Aruba ta participando y ta tumando luga na Centro di Barrio Tanki Leendert. Ayeranochi e activida a cuminza caminda tur e gruponan jega pa registra y asina haya nan manterialnan y credentials. Despues a sigui cu e asina yama “opening” oficial haci dor di HC y despues a sigui cu parti e muchanan den diferente patruya p’asina nan por tuma parti na tur e actividadnan cu a wordo planea pa un grupo di mesun lider y scoutnan cu ta e comision organizador di Jota y Joti 2019. Pa duna un splicacion cortico di kico ta Jota y Joti esaki ta un evento Digital pa miembronan Scout di rond mundo pues rond mundo gruponan tambe ta campando e mesun weekend aki y via diferente plataforma di comunicacion tanto analog como digital ta comunica cu otro. Pues online e Verkennernan y Explorernan por chat cu otro miembronan ful rond mundo riba un plataforma specialmente diseña a e evento aki. Pero tambe riba e parti di Radio Amateur tambe e muchanan por comunica y alavez haya informacion di e mesun evento aki di rond mundo. E idea ta pa crea amistad cu otro miembronan scout di rond mundo cu tambe ta den campamento e mesun fin di siman aki. Pero no solamente comunicacion sino e muchanan tan bai practica nan habilidadnan y lo haya presentacionnan di diferente instancia cu tin di haber cu situacionnan di emergencia manera Ambulans y Brandweer. Pues sigur un fin di siman di super actividadnan pa miembronan di Scouting Aruba. Riba combinacion di foto por mira con cosnan a cuminza Diabierna’nochi den Jota y Joti 2019 na Centro di Barrio Tanki Leendert.