Segun Jossy Kock di DOW, kende ta encarga cu e parti di Green Corridor, e schedule actualmente nan ta druk bezig preparando pa asina e rotondenan por keda cla tambe na tempo cu ta stipula den e planning cu nan tin.
Kock a agrega cu referiendo na e contract, cu e contratista tin cu cumpli cu cierto exigencianan. Personanan cu ta haci tipo di controlnan cu tin cu bay demostra e calidad, compara cu loke tin para den contract, si nan no por cumpli cun’e, no tin pago riba esey. Berdad cu e parti na unda cu e wegmarkering a bay malo, cos den trabao por bay malo. Esey a combersa cu e contratista. Nan tabata tin un fayo tecnico di nan banda cu esey a bay malo, pero tin cu tene na cuenta cu locual cu a wordo poni ta temporalmente. Esaki lo bay wordo removi y poni adecuadamente manera cu e mester ta y e tin cu cumpli cu e rekisitonan cu ta poni den e contract. Si yega asina leu cu e no ta cumpli cu e rekisitonan den e contract, ta nifica cu caminda no por wordo poni disponibel pa Gobierno di Aruba, cual ta nifica cu si e periodo cu e mester a entrega e proyecto a pasa cu ainda e caminda no ta disponibel, ta nifica cu e ta haya boetepunten, e lo mester paga boet riba dje, cu e mester cumpli cu tur e rekisitonan, cual un di nan ta, cu tin cu cumpli cu e calidad cu ta para den e contract.
Kock a agrega cu ta fastioso pa trafico, pero e contratista tin un planning general. Manera cu e caba cu esaki lo concentra pa caba riba e rotonde di Mahuma. E mesun sistema di desvio cu tin awor aki na Sero Tijshi lo bay sosode tambe na Mahuma. E intencion ta pa caba cu e rotonde di Sero Tijshi unda cu ta conecta e caminda cu tin traha caba na Barcadera, pa asina cuminsa cu e trafico di Barcadera, mande riba caminda principal, pa asina por cuminsa tambe cu e otro parti di e rotonde di Mahuma.
