Loke ta ser bisa cu e suela no ta stabil no ta berdad pasobra a coba 25 meter den e tera pa asina garantisa e pianan di e brug ta uno stabil segun Jossy Kock di DOW.
Estudio a wordo haci riba e suela manera cu a indica na comienso caba y a base di e resultadonan cu a saca for di locual kico a investiga den e suela, a base di esey a haci nan calculacion con nan tin cu traha e pianan cu ta bay wanta e brug. E ta asina cu tin diferente pilar di hero manda den subsuelo, na un profundidad di 25 meter hunto. Nan a bora esey te na e profundad ey, pasobra e investigacion cu nan a haci cu na e profundidad ey a haya un suelo na e profundidad ey cu ta stabil. A base di esey a tuma un decision cu tin cu bora na 25 meter hunto pa pone tur e pilarnan cu ta bay sostene e brug pa e ta ariba un suelo cu ta stabil eybao.
Aki no por papia di un paar di meter. Si por a wak durante e construccion di e pianan, por a wak e ekiponan cu ta mandando tubonan masha largo mes den e suelo. Esey ta indica caba cu e ta riba un profundidad di 25 meter y e suelo cu nan a encontra na 25 meter hundo ta stabil.
Jossy Kock a sigui splica cu ta bay tin otro audit cu lo bay bin. Manera cu e construccino di e brug ta tumando luga, e brug ta wordo audita door di e consultancy bureau independiente.