Jossy Kock: Bao di supervision mangelnan lo bay wordo corta pa asina traha caminda pa e construccion di brug na Spaans Lagoen

Tin hopi desaroyo ta bay tuma luga cu e brug nobo cu ta bay wordo traha pa loke ta e proyecto di Green Corridor y e momento a yega pa bay cuminsa corta e matanan di mangel, segun Jossy Kock di DOW ta splica.
Actualmente e contratista CISC, cu ta representa e compania Odinsa, ta bezig cu e construccion di e brug na Spaans Lagoen. E ta asina cu e ta basta avansa, y a yega na e punto caminda cu lo tin cu bay snoei paar di e mangrovenan cu tin cu ta bay stroba e construccion di e brug. Pa e motibo aki kier a laga pueblo sa cu ta bay den e proximo dianan, cuminsa corta e mangrovenan pa asina haci e parti ey liber pa nan por sigui cu e construccion di brug.
Cu ayudo di un experto for di Universidad di Wageningen, lo bin cu un plan con e matanan lo mester wordo corta y kico e contratista tin cu haci pa asina por construi e brug.
Tambe un compania local yama Ace, lo bay traha hunto cu e experto di Universidad di Wageningen, unda cu e compania aki lo bay tene e supervision diario e trabaonan cu ta wordo haci pa salvaguardia kico tin na mangel eynan. Es decir, conhuntamente cu e compania aki, a produci cierto reglanan na unda cu e contratista tin cu cumpli cun’e, pa asina no trece daño na e sitio.

Kock ta sigui splica cu lo bay cuminsa den e dianan aki pa snoei e mangrovenan y esey kier a trece dilanti pa pueblo sa cu esey lo bay tuma luga. E luganan lo bay ta banda di Franse Pas, na unda cu tin cu bay delinea precisamente locual kico ta bay wordo haci. Esey ta poni caba den documentonan na unda cu ta bay rehabilita un parti eynan pa asina tambe stimula e crecemento di mangrove. Ta asina cu den e prome parti cu ta snoei e mangrove, a ripara caba cu e mangrovenan a cuminsa bin bek, unda cu nan a cuminsa crece. Esey ta bon señal, y cu e mesun pensamento ey, ta bay snoei e di dos parti di e mangrovenan. Esaki ta e ultimo parti cu ta bay snoei. Despues di esey, no lo bay tin cortamento of snoeimento mas di e mangrovenan. Esaki ta e ultimo fase unda cu e ta necesariamente pa e construccion di e brug. A base di e midinan cu ta bin saca afo, a reduci e cortamento na un minimo cu ta posibel cu mester wordo corta.

Comments

comments