Combersano cu Director di Aruba Ports Authority Sr. Jossy Figaroa a puntre con a bay cu su contracto di trabou cu a yega su luna pa December 2018. Sr Figaroa a duna di conoce cu su contracto di trabou a vence fin di December 2018. E proceso pa un director nobo a cuminsa for di Augustus 2018 y tin varios persona a solicita y nan a cana e proceso, te ainda no a culmina den nombracion di un director nobo. Pronto esaki lo keda anuncia via Minister kende lo bira e director nobo. Sr Figaroa a keda informa cu nan lo extende su contracto por lo menos tres luna mas unda e ta yegando cinco aña di trabou y dadomomento APA ta bira un parti dibo. Bon por bay laga e luga pa su cuenta y bo kier mira ora cu otro persona tuma e puesto e ta den bon man. Sr Figaroa durante entrevista a bisa e lo coopera pa cu e traspaso aki.
Retonan durante cinco aña
Sr Figaroa no ta un persona desconoci na Aruba, e tabata traha na DOW y cinco aña pasa a haya e oportunidad pa bira director di APA. Sr Figaroa a menciona cu e tabata un cambio bunita un mundo completo di loke ta infrastructura unda tabata traha cu rioolering, edificionan, construccion, embeyecemento di e pais y tur otro problemanan cu tin riba caminda di Aruba y pa despues cambia bay na un luga nautico. A bin na un luga unda bo ta deal cu turismo, container y e parti di maneha ta keda menaha y locual tin haci den un funsion asina ta scucha di hendenan cu sa y no pretende cubo sa tur cos.
Pasobra mundo nautico ta algo special, nos tin un director financiero aki na APA hopi bon den su trabou, y den cinco aña nos a logra di haci tur locual nos tabata kier y e motibo principal pakico nan a pidim pa bin na APA ta pasobra nos tabata tin e mudamento di parti di cargo di container di Playa pa Barcadera y nan a confie den mi man, y esaki a resulta bon den e budget cu tabata tin poni pe y e tempo y hunto cu e team di APA nos a keda cla.
Tin mas proyecto grandi na caminda esaki a dura largo debi na cambio di Gobierno y Gobierno nobo tin su mes un vision y mester a adapta esaki den e plan nobo y algo bunita y interesante cu ami por a participa den e transicion di un waf cu tabata traha cu container y awor ta bayendo pa deal cu real estate y esei ta hopi importante. No ta solamente na Aruba bo ta hacie pero mayoria na puerto di mundo fuera di ta handel cu barco crucero, auto, container, cargo y mas y ta haci e parti di real estate, y awor Aruba lo bay tin parti di dje y e director nobo cu lo bin lo bay haye prepara y e ta bay tin su retonan tambe, y mi ta desea hopi exito cu e trabou aki, asina Sr Figaroa a finalisa.