Pa loke ta e temporada di barco crucero pa aña 2016/ 2017, lo bay cuminsa cu extra barco cu ta bin Aruba segun Jossy Figaroa, director di APA.
El a splica cu lo bay tin poco mas barco cu aña pasa. Manera cu a indica anteriormente, por mira cu lo bay tin crecemento.
October oficialmente ta bay cuminsa cu un season. APA ta pasa check tur cos cu ta na ordo pa ora cu e cuminsa, tur cos ta limpi. Ta verf unda cu tin cu verf, ta drecha unda tin cu drecha. Check si e airconan di e terminal ta bon. Wak unda cu ta kere por mehora, ta mehora. Pero bayendo bek riba e barconan, ta mustra cu ta bay tin un porcentahe mas halto cu aña pasa y si cos sigui bay bon, pa 2017/2018 tambe ta mustra di bay riba un bon caminda.
Barconan crucero un dia pa otro nan ta bin. Un, dos of tres aña nan ta reserva y esey ta concentra riba dje. Tin reservacion caba di 2019. Bon tabata e anuncio cu Pullmantur otro aña a dicidi pa bin. Algun luna pasa a haya toch un decepcion caminda cu nan a bisa cu nan ta stop di bin cu su barconan. A traha hopi duro y tambe e otro paisnan tambe. Por bisa cu Aruba tabata lead e trahamento duro y a logra cu pa otro aña ta logra haya basta barco. Importante ta cu nan ta bin den e periodo di verano, unda cu no tin tanto barco. Si proyecta e lunanan cu a pasa, manera Juni, Juli, Augustus, tambe, toch tabata hopi slow. Pullmantur hopi biaha ta bin den e periodo aki. Ta purba pa wak si por haya mas barco den e periodo cu ta slow. Pa High Season nos ta bon prepara. Tin biaha ta bisa cu mester acepta barco of no. Pero no kier core riesgo. Por ta kisas riba un dia tin mucho hopi turista. Ta bay wak esey hopi bon. Tin cu bisa cu ATA ta haciendo hopi investigacion pa wak con e turistanan ta sinti pa wak si tin di haci cambio, ta haci nan rapido, segun Figaroa.