APA tin un tugboat cu yama Andicuri y ta den servicio. Pa haci un mantencion grandi riba dje, ta costa hopi placa y no ta trece riba un nivel cu APA tabata kier pe, segun director Jossy Figaroa. Den e ultimo tempo no ta wordo acepta door di Valero, pa haci cierto barconan di Shell y kier tin algo cu ora Citgo mester di APA, mester por uze. E plan tabata pa cumpra un leaseboat nobo, pero como cu a caba di haci un fiansa hopi grandi, a pensa miho cu lease y e intencion cu dentro dos aña APA cumpra un di su mes, ora cu e situacion financiero ta di dal forma cu tin suficiente placa pa cumpre of bay banco y banco por fia.
Como cu a caba di haci un fiansa rond di 60 miyon florin, APA no tin gana pa haci’e di biaha y ta bon mes tambe a kies pa lease. Pasobra si a cumpra e boto manera cu tabata tin planea, kisas lo a haya mucho mas problema. Awor aki ta bay lease y wak con por traha cun’e. Si gusta e boto, lo cumpra uno mesun cos. Y si no gust’e ta busca un otro boto.
Figaroa a splica cu tin botonan cu a bin di Corsou pa haci cierto trabaonan afo y si nan bin, oficialmente nan tin cu busca un vergunning y competi contra cualkier hende akinan y haci nan mesun trabao. No ta asina y cada biaha ta bisa cu nan no por establece nan mes na Aruba y kita trabao di APA. Por ehempel sleep un boto paden mientras cu APA mes por haci’e.
Nan tin cu paga manera cualkier otro compania cu ta paga, manera White Tip, manera liggeld y otro gastonan cu otronan ta paga. Competencia mester ta sano. Gobierno pa esey sosode. No por ta asina cu Gobierno ta bisa cu kier pa bin algo asina y despues bisa cu no por competi cu tur e otronan.
Den e ultimo tempo cu tabata na Aruba, a haci algun trabao afo y nan por gana bon placa cu esey. Tin cierto cosnan cu APA no por haci. Tipo di trabaonan asina no por y como nan tripulacion no ta trahando manera nan ta traha. Nan tin un otro ora di traha y e tugboat mester keda Aruba.