Recientemente a tuma luga e Heineken Bartender Contest, patrocina pa Romar Trading NV.
E ganado tabata den persona di Sr. Jose Hernandez, representando Sweet Peppers Restaurant. Sr. Hernandez awo lo bay Amsterdam pa e Heineken Global Bartender Contest.
Sr. Hernandez ta splica cu e competencia ariba su mes tabata uno fuerte. Tabata tin hopi competencia, e huesnan tabata hopi streng, hopi eyecontact y hopi intimidacion, pero e tabata uno cu tabata bale la pena. E tin en total di 10 aña trahando como bartender y 8 en total trahando na Sweet Peppers Restaurant.
Esaki tabata un experiencia hopi nobo, cu pa prome biaha tabata tin un competencia di cerbes. E mashin di taste tabata algo hopi nobo y esey ta loke mester wordo promote un poco mas ya cu hende no sa con bo tin cu actua na e mashin. Pero e competencia tabata un experiencia hopi great pa tene aki na Aruba.
E diferencia di un bebida alcoholico, y un cerbes ta cu e cerbes mester ta ariba un standard, vooral cu Heineken, cu ta uno internacional, e manera con e ta wordo presenta den glas. Ta cosnan cu mester tene cuenta cun’e, sigur, segun Sr. Jose Hernandez, ganado di e Heineken Bartender Contest.