Jose David Polanco diasabra lo tene su marathon di 100 km, esaki pa asina recauda fondo pa dos hoben cu a perde nan mama e aña aki, cu tabata nan sustento. Jose David ta elabora ariba e preparacionnan.
Como parti di su preparacion el a bay core e KLM marathon na Corsou, cual tabata di 42.2 km, cual el a completa den 3 ora y 50 minuut. Si el a remarca cu e dia aki tabata haci masha hopi calor. E organisacion na Corsou tabata tremendo, y 30 grado ta dificil. Normalmente un marathon ta core den 10 grado y aki ta core den 20 grado mas calor.
Diasabra anochi, cada dos km, den e prome 50 km, e lo haya awa of Gatorade. Cada 45 minuut, e lo come un energygel. Y e lo come un bacoba pa hora. Esey ta forma parti di su dieta. Basicamente 50 pa 60 km ta bay ta facil, ya cu el a haci’e asina tanto biaha y ariba curpa cansa. E pero grandi ta, kico ta pasa despues di esey. Jose David a sigui bisa cu e no mag faya cu su dehidratacion, e lo tin di keda core riba un paso net bou di 6 minuut.
El a sigui bisa cu lo tin 4 vehiculo cu lo compaña nan. E prome buelta nan lo tin escolta policial. Nan ta Sali for di Linear Park, diasabra anochi pa 8 or. Y nan lo core te cu mas o menos 5 or di diadomingo marduga. E mas crucial ta cu no mag sali mas duro cu 60 km. Si bo sali mas duro, esey ta pone cu e ta kima su mes mas lihe.
E evento aki tin su parti organisatorio, e material, hende pa yuda. Pero e pregunta cu e ta haci su mes, ta cu si e ta matando su curpa cu e evento aki? Pero e tin su meta cu e kier yega, y haci un diferencia, segun Sr. Jose David Polanco.
Masnoticia ta desea Sr. Jose David Polanco tur clase exito y cu e logra su meta. Exito!