CARACAS- E periodista Jorge Ramons tabata entrevistando Nicolas Maduro den e Palacio di Miraflores y ta pensa cu pa e tono di su preguntanan, e polemico mandatario a duna orden pa su retencion.
E reconocido periodista Jorge Ramos, di e cadena Univision, a keda reteni ilegalmente na Venezuela ariba orden di presidente Nicolas Maduro.
Esaki ta segun un denuncia di e NGO Human Rights Watch, segun cual Ramos tabata entrevista Nicolás Maduro den Palacio de Miraflores y ta pensa cu door di e tono di su preguntanan, e polemico mandatario a duna orden pa su retencion y di e ekipo y material periodistico.
https://www.facebook.com/masnoticia/videos/262845074645959/
Ramos ta reconoci mundialmente pa su trabao periodistico. E ta e mesun periodista cu e aña pasa a wordo insulta pa e presidente Donald Trump ora cu el a haci’e hopi varios pregunta relaciona cu e polemica cu e muraya cu Mexico y su atake contra di periodistanan.
Daniel Coronell, presidente di noticianan di Univision, tambe a denuncia e agresion na prensa.
Segun e version ariba e portal di Univision, “Ramos tabata entrevistando Maduro. E mandatario Chavista a keda disgusta cu e preguntanan y a duna ordo pa para e grabacion, tuma e ekipo den beslag y pa retene e periodistanan.
E ekipo di e cadena ta consisti pa María Martínez, Claudia Rondón, Francisco Urreiztieta, Juan Carlos Guzmán, Martín Guzmán y Jorge Ramos.
Minister di Comunicacion di Maduro, Jorge Rodriquez a bisa Univision Noticias cu e periodistanan “no a wordo reteni” y cu nan tabata na caminda pa nan hotel. Pero na e momentonan aki, Univision no a logra drenta den contacto cu Jorge Ramos of algun di e otro di e integrantenan di e ekipo periodistico.
E unico imagen di esaki cu Univision tin den su poder ta e potret saca algun rato prome cu e entrevista a cuminsa, mientras cu e ekipo tabata preparando e iluminacion.