E sospechoso Joran van der Sloot cu ta naci na Hulanda y a wordo acusa di e desaparicion di e hoben Mericano Natalee Holloway ta en proceso di extradicion pa Merca. Joran a wordo condena pa mata un dama Peruano di 21 aña y ta cumpliendo cu un sentencia di 28 aña. El a wordo deteni pero nunca e conviccion no a keda aproba pa e desaparicion di Natalee cu a disparce na Aruba den aña 2005.
Nunca no a logra di haya Holloway. E hoben di 18 aña a sali di biahe for di Alabama, pa asina celebra su graduacion na Aruba y nunca a bolbe bek su pais. Mas despues un Hues lo a declara Natalee Holloway morto. A detene Van Der Sloot pero ta liber’e di biaha.
Van Der Sloot a wordo acusa criminalmente den Birmingham, Alabama den aña 2010 cu dos cargo federal cu tin di haber cu extorsion y fraude electronico segun expediente hudicial.
Un denuncia penal a presenta na 2010 unda cu a causa cu a manda miles di dollar na paisnan baho cu un promesa di revela e localisacion di e resto di Hollaway y e detaye di su morto.
Fiscalnan a splica cu den 2010 van der Sloot a causa cu mama di Holloway, Beth Holloway a manda $25,000-$15,000 pa su cuenta na Hulanda y $10,00 mas pa un abogado na New York cu mester a hiba e placa personal pa van der Sloot.
El a splica na un abogado y menciona na un sitio unda cu e curpa di Natalee ta dera, pero e tabata completamento falso fiscalnan ta splica.
Mane por a mira, van der Sloot su caso no ta solamente es di Holloway, pero tambe tin mas caso inclui e/o, morto di Natalee y un dama di 21 aña y tambe un caso di fraude di placa.