Joran van der Sloot manda bek pa prizon di extra siguridad

Joran van der Sloot ta bek na e sitio yama “fierno na mundo”. Hunto cu cuatro otro prisonero el a wordo traslada for di e prison di Juliaca pa esun di Challapalca, cu ta uno fuertemente custodia na Peru. Tempo cu e tabata eynan, el a bay den welga di hamber debi na maltrato y e circumstancianan di medio siglo. Manera ta conoci, van der Sloot ta sintando un castigo pa asesinato di e mucha muhe Peruano Stephany Flores.

Tabata e corant Correo cu a publica cu van der Sloot y su cuatro compañeronan di prizon a wordo translada bou di vigilancia pisa pa Challapalca.

Joran, kende te ainda ta un sospechoso pa desaparicion di e studiante Mericano Natalee Holloway na aña 2005 na Aruba, a wordo deteni den luna di juni di 2010 na Peru pa asesinato d Stephany Flores (20). E asesinato a sosode exactamente cinco aña despues di desaparicion di Holloway. Van der Sloot a admiti di a comete e asesinato. Na 2014 a conden’e na 28 aña di prizon.

E tabata cera prome den e prizon Piedras Gordas. Na 2014 a traslade pa Challapalca, cu ta keda na zuid di Peru, debi na posesion ilegal di un celular. E prizon tin mal nomber y ta conoci como “fierno na mundo”. E ta isola na 4500 meter di haltura den e ceronan Andes, cerca di frontera cu Bolivia.

Bishita casi no ta posibel y e circunstamcianan ta di siglonan di antes. Organisacionnan di derecho humano ta lucha pa cera e prizon aki, entre otro debi na e circunstancianan climatico extremo. Anochi e friu por yega na 20 grado bou cera y no tin forma di calentamento.

Van der Sloot a entrega obheccion contra su transporte pa Challapalca. Su Abogado a bisa cu su cliente tabata wordo maltrata regularmente eynan door di guardianan di siguridad. Su compañera di e tempo ey Leidy Figeroa a bisa cu el a wordo hinca den e prizon ey, entre otro den su testiculonan.

Tambe van der Sloot a bisa cu e tata di Flores a pone un recompensa di 10 mil dollar pa esun cu por mat’e den prizon. El a skirbi un carta di denuncia y a bay den welga di hamber, cu a pone cu el a bira hopi debil. El a bisa cu e prizoneronan ta kere cu si nan mat’e, e siguridad maximo ta wordo kita.

Autoridadnan di prizon a rechasa e acusacionnan y a bisa cu ta Joran mes a corta su mes cu un cuchiu.  Su traslado tabata consecuencia di su “mal comportacion” den e otro prizon. Finalmente na 2018 a pas’e pa esun na Juliaca.

Pakico a mand’e bek pa Challapalca no ta conoci. Probablemente esaki tin di haber cu e castigo di prizon extra cu ta colga riba su cabes.

Na februari di e aña’ki a pidi 18 aña di castigo contra dje. Hunto cu otronan e lo a hinca 300 gram di cocaina y 140 gram di marihuana den e prizon. Su amiga Eva Pacohuanaco a hiba comestibles p’e, incluyendo 19 rooibiet den cual a descubri e droga.

 

Comments

comments