Durante festival di Himno y Bandera e aña aki, e cantante Jonathan Croes a interpreta e bunita tema “wardami” di Danilo Vrolijk refiriendo na su biahe di estudio cu e lo ta haciendo desde augustus 2018. E composicion aki a ocupa e tercer puesto den e festival di Himno y Bandera 2018.
Despues di su VWO diploma, den augustus Jonathan lo ta biahando pa Hulanda unda e siguiendo e estudio di International Business Management na Den Haag.
Diasabra 28 di juli Jonathan lo ta brindando Aruba su concierto despedida WARDAMI pa 8’or. Preparacionan ta bayendo bon y pa su concierto WARDAMI y Jonathan lo ser acompaña pa Freewinds Band, Alma Folklorico, Mariachi Luz di Luna y mas artista.
E repertorio lo ta varia y lo consisti di cancionan folklorico, Internacional y mucho mas.
Algo cu nos ta sigur di dje ta cu Jonathan ta e yiu di tera di Aruba cu lo brinda nos un concierto grandi hincando tur su amor patriotico den dje.
Di awor caba nos ta desea e cantante Jonathan Croes tur clase di exito cu e concierto y cu su bida na Hulanda.
Pa mas informacion por bishita Jonathan Croes su pagina riba Facebook of yama 5627021.
Skirbi pa Adonsito Croes.