Jolley Holding Group, un empresa destaca riba e islanan ABC, a establece un asociacion exclusivo cu BYD (Build Your Dreams), e fabricante mundialmente reconoci di vehiculo di energia nobo. E colaboracion strategico aki ta marca un meta significativo den e panorama di auto di e region.
BYD ta representa localmente pa Ultimate Automobiles na Aruba y Corsou y pa Akkermans Auto Supplies BV na Boneiro.
BYD: Un forsa di auto den electrificacion global
E reputacion di BYD ta sigui’e. Como e principal fabricante mundial di New Energy Vehicle (NEV), BYD ta pushando constamente e limitenan di innovacion y e desaroyo tecnologico. Cu mas di 27 aña di experiencia den bateria, BYD a converti den sinonimo di mobilidad electrico di vanguardia. Su compromiso cu sostenibilidad y e solucionnan di cero emision a resona rond mundo.
E importancia di BYD riba e islanan ABC
Sudesh Manichand, Managing Director di Jolley Holding Group, ta comparti e vision di e Grupo:
“Nos ta sinti nos mes honra di representa BYD riba e islanan ABC,” Sudesh Manichand ta bisa. “Nos compromio cu excelencia y innovacion ta alinea perfectamente cu e mision di BYD. Hunto, nos lo redefini mobilidad, nos lo reduci e emisionnan di carbon y nos lo mehora e calidad di bida di nos comunidadnan. Nos ta encanta cu nan ta comparti e vision di e marca BYD y su emocionante futuro y lo hunga un papel clave den su introduccion den e islanan ABC.
Door di embarca den e emocionante biahe aki cu BYD, nos ta reconoce e vehiculonan electrico (EV) no ta simplemente un tendencia, sino un forsa determinante cu ta forma nos futuro sostenibel. E ambiente unico di e islanan ta exigi decision responsabel y e EVnan ta ofrece un solucion convincente. Sinembargo, no ta suficiente enfoca unicamente den promove sostenibilidad, tambe nos mester sigura cu nos clientenan por confia den nan EV a largo plaso.
Nos compromiso ta bay mas leu di e showroom, ta atende tur ciclo di bida di e ehiculo y nos asociacion cu BYD ta subraya nos dedicacion n’e satisfaccion di e cliente. E islanan ABC – Aruba, Boneiro y Corso – ta cla pa un cambio transformado riba su panorama automotriz. E entrada di BYD no solamente ta trece vehiculo electrico avansa, sino tambe un vision di un sistema di transporte mas limpi, silencioso y eficiente. Mientras cu e islanan ta lucha cu e retonan ambiental, e NVE di BYD ta ofrece un solucio sostenibel cu ta alinea perfectamente cu bo necesidadnan unico.
Gershom Oduber, representante di Ultimate Automobiles, ta enfatisa: “Nos dedicacion ta extende mas leu di e compra inicial. Nos ta priorisa garantisa un servicio postbenta excepcional, brindando nos clientenan trankilidad y sosten continuo a lo largo di su biahe di propiedad. Cu nos compromiso inkebrantabel cu e confiansa, e clientenan por confia den e disponibilidad di personal, piesa y servicio pa mantene e rendimento y e duracion di e vehiculonan di BYD. Hunto cu BYD y Jolley Holding Group, nos ta comprometi den ofrece un experiencia di propiedad sin problema y satisfaccion pa cada cliente na Aruba.”
Tocante Ultimate Automobiles
Ultimate Automobiles a bin ta un nomber di confiansa den e industria di auto durante mas di dos decada. Nos compromiso cu excelencia, e satisfaccion di cliente y e responsabilidad ambiental a gana nos un clientela fel. Awo, cu e incorporacion di e EVnan avansa di BYD na nos liña di producto, nos lo hiba nos compromiso n’e siguiente nivel. Pa obtene mas informacion, yama nos na 5839800, bishita nos pagina di Facebook riba BYD Aruba of bishita nos showroom situa na Sabana Blanco 35 y descubri e futuro di mobilidad.
Tocante BYD – Build Your Dreams
BYD ta reconoci pa su vehiculonan electrico innovado, combinando tecnologia avansa, caracteritico di siguridad y sostenibilidad. E autonan electrico di BYD ta proporciona cero emision, diseño di vanguardia, tecnologia avansa di bateria, siguridad prome y spaarmento di costo mientras cu mundo ta bay pa un transporte mas limpi.