Durante e reunion general di Kiwanis Club of Aruba dia 6 di december ultimo, president Edalitza Weller, a introduci oficialmente Jokoeza Hooplot como e miembro mas nobo di e club. Aunke cu Jokoeza a asisti caba algun reunion y a pacticipa na algun actividad di e club, e anochi aki e tabata uno special pa instala Jokoeza oficialmente como miembro. E persona cu tabatin e tarea pa dirigi e discurso di instalacion tabata “Past Lieutenant Governor di Division 26 Giantonio Muller”.
Como e sponsornan di e instalacion como miembro tabata; Ryan Kock conhuntamente cu Edalitza Weller, cu ta e presidente actual di e club. Dilanti di e miembronan presente a presencia e acto oficial momento cu Past Lieutenant Governor Giantonio Muller a pin e boton di Kiwanis, haciendo asina Jokoeza oficialmente miembro di e club.
Jokoeza a nace y crece na Suriname despues di a termina su estudio secundario, el a continua su estudio na Hulanda unda el a studia “Aeronatics” y a gradua cu su “Master of Science” den Areospace Engineering na Universidad di Amsterdam. Jokoeza ta “Managing Director” di WEMA desde aña 2017.
Jokoeza a keda impresiona cu e pasion cu e miembronan di Kiwanis tin pa realisa e proyectonan cu enfoke riba e muchanan. E ta kere den duna bek na e comunidad, unabes formando parti di Kiwanis. El a gradici e famia di Kiwanis pa ricibie como miembro y ta entusiasma pa cuminsa sirbi e muchanan di Aruba.
Kiwanis Club of Aruba ta un club di miembronan ta hopi dedica y activo, trahando primordialmente na bienestar di nos muchanan y otro proyectonan na beneficio di nos comunidad