Johnson’s Enterprises kier informa e comunidad di Aruba y muy particular e habitantenan di Parkeitenbos, cu nos sistema di kima sludge y pallet riba Serlimar Parkietenbos Landfill ta cumpli cu regulacionnan Mericano di emision.
Nos a bin tuma nota recentemente via medionan di cominicasion cu a bisa, cu e sistema cu Johnson’s Enterprises tin riba tereno di Parkietenbos cu ta destina pa kima e “sludge”, lo ta hasi dañonan na nos medio ambiente y ta saca hopi polucion y cu esaki ta dañino pa nos pueblo. E sistema di Air-burners cu ta usa e technologia di Air curtain ta cumpli cu e regulacionnan di USEPA y USDA. Nos compania ta hasiendo e trabow nan aki pa mas di 7 aña caba bow supervisión y aprobación di DOW, SERLIMAR y DNM. E system ta wordo considera como uno “ Carbon Neutral ” y e gasnan cu ta sali for di e sistema ta “ BioGenetic ”. E operacion di Johnson’s Enterprises ta pa deshasi di e “Sewage-sludge” cu ta wordo yamá “Cake”, cu ta wordo produci na e planta di purificacion na Parkietenbos y tambe di e palletnan cu ta subi riba e dump di Parkietenbos pa cual ta reduci e volumen mas cu 90%. Nos kier pone énfasis cu Johnson’s Enterprises no ta responsable pa “medical- waste” of kimamento di otro materialnan no organico manera tire etc, esey ta na encargo di Serlimar.
Airburners LCC cu ta e fabricante di e sistema aki ta forma parti di CRADA. CRADA ta un acuerdo cooperativo unda universidadnan ta hasi estudio y a test e machinenan intensivamente pa asina por mehora e sistema mas ainda conforme e leynan vigente.
