Fama finalmente a yega pa Katherine Johnson, y el a tuma solamente 98 aña, seis aterisahe riba luna, un best seller y un pelicula nomina pa premionan Oscar.
Pa mas di 30 aña, Johnson a traha como un matematico di NASA na Langley Research Center na Hampton, Virginia, unda el a hunga un rol invisibel, pero esencial den e misionnan espacial di e pais. Cu e tabata un hende muhe color scur den un espacio di trabao domina pa hende homber y di color blanco a haci esaki mas remarcabel ainda.
Awo, despues despues di tres decada cu el a retira for di e agencia, Johnson ta wordo representa door di e actriz Taraji Henson den e pelicula “Hidden Figures”, un pelicula basa ariba un buki cu ta hiba e mesun nomber. E pelicula ta conta con un grupo di hende muhe color scur, tur matematiconan, a yuda NASA cu datonan crucial pa e exito di su programa espacial. “Hidden Figures” a wordo nomina diamars ultimo pa un Academy Award pa miho pelicula.
Derepente Johnson, cu lo cumpli 99 aña na Augustus ta hay’e inunda cu peticionnan pa entrevista, invitacion pa banketenan, y hendenan cu simplemente kier dun’e un man.
Pa hopi, specialmente hendenan color scur, su historia di con el a surpasa racismo y sexismo ta un inspiracion.
Johnson ainda ta corda con John Glenn, e astronauta y Senador pa hopi tempo, cu a fayece luna pasa, a insisti pa haya e calculacionnan haci door di Johnson pa Friendship 7, e prome mision pa orbita mundo.
Pero con e tabata sa cu Glenn tabata referi na dje?
Johnson a lanta su schouder y a bisa simplemente, “E sa cu ta ami a haci e calculacionnan prome cun’e y nan tabata confia den mi trabao. Glen a pidimi pa haci’e y mi a haci’e
Na final di cuenta, “color no ta importa” na NASA, Johnson a bisa. Bo ta mesun bon cu bo ultimo respuesta.
Johnson tabata un di e prome damanan pa atende un reunion editorial na e agencia espacial. Normalmente, solamente hende homber atende y tur lo reuni pa discuti ideanan.
Tempo cu Johnson tabata tin 10 aña su famia a verhuis pa Institure, West Virgina, 120 miya ley, pa asina e por a bay scol secundario, ya cu den su ciudad natal no tabata tin uno pa muchanan color skur. El a gradua for di loke ta awe West Virginia State University na edad di 18 aña.
Na comienso di añanan 1950, Johnson a haya sa cu e National Advisory Committee for Aeronautics, e antescesor di NASA, tabata en busca di matematiconan pa traha na Langley Research Center. Ya pa 1953, Johnson tabata trahando como un computer, titulo cu e agencia tabata duna esunnan cu tabata traha riba calculacionann.
Pa tempo cu el e retira na 1986, Johnson a traha riba e vuelo espacial di Glenn, e aterisahenan di luna y e rescate di Apollo 13. Tambe el a yuda scirbi un di e prome bukinan tocante espacio.
El a wordo condecora na 2015 door di President Barack Obama cu e Medaya Presidencial di Honor.