NEW YORK, Merca – E lider di e Cartel di Sinaloa na februari ultimo a wordo haya culpabel di 10 cargo pa distribucion di cocaina na nivel internaciol y di participa den un red criminal.
E capo Mexicano Joaquin ‘el Chapo’ Guzman Loera, a wordo condena na cadena perpetua pa un corte federal Mericano.
E hues Brian Cogan diaranson 17 di juli a impone un condena di cadena perpetua pa trafico di cocaina, heroina y marihuana, ademas di 30 aña di prizon pa violencia cu arma di candela y 20 aña mas la labamento di placa.
Durante e seseion unda cu el a haya su sentencia, Guzman tabata tin oportunidad di hiba palabra y Guzman tabata tin e derecho na papia y critica su reclusion na Merca, proceso cu el a califca como un “tortura psicologico, emocional y mental durante 24 ora”.
Tambe el a considera cu e huicio den su contra tabata inhusto.
E sentencia a bin despues di cu e narcotraficante, cu tabata lider di e cartel di Sinaloa, a wordo haya culpabel di 10 cargo , cu ta inclui distribucion y uzo di arma di candela, den un tribunal di New York.
Durante e asina yama “Huicio di siglo”, 56 persona a wordo skucha como testigo, entte nan, 14 ex socio y aliadonan di el Chapo, cu ta relata detayenan y revelacion di con e organisacion di narcotrafico mas grandi di Mexico tabata opera.
Ultimo dianan Ministerio Publico cu tabata tin e caso a pidi cadena perpetuo pa ‘El Chapo, como tambe pa tuma mas di 12 biyon dollar den beslag, cu el Chapo presuntamente lo a acumula a lo largo di su carera criminal.
Guzman lo cumpli cu su condena den e prizon federal di Florence, Colorado, considera e prizon mas sigur di Merca.