Amigo di Aruba, conoci y stima pa mas di un artista na Aruba, Jimmy Yánez, naci na Maracaibo, no mucho leu for di nos awanan territorial, lo ta e próximo curator pa Aruba Art Fair 2018 cu lo tuma luga October 5,6,7, 2018.
Yanez, ta conoci como Profesor Universitario y Ex Director di e Facultad Experimental di Arte di Universidad di Zulia, Venezuela. Tambe e ta Profesor Post grado den Museologia di e Facultad di Arquitectura di Universidad Central di Venezuela.
Jimmy Yanez ta miembro fundador di SINFA SINT NICOLAAS FUNDATION OF ART y Asesor Internacional di FUNDACION MUSEUM ARUBANO . E a yega di colabora cu masha hopi trabao pa e districto di San Nicolas den pasado.“ No tin nada cu mi ta stima mas y sinti mi mes orguyoso pa colabora cun’e cu no ta San Nicolas. Mi ta recorda y ta hiba den mi su cayanan, su hendenan y mi kier colabora na su adelanto” Yanez ta proclama.
Den e área di Curator, Yanez tin bao su guia e curaderia general di 236 exposicion di diferente manifestación di Arte. Awo reciente e la realisa un reconocimiento patrimonial urbano na e ciudad de Buenos Aires, Argentina. E tin un conocimento masha amplio di Museología y Museografía y a realiza masha hopi trabao den colaboración cu proyecto artístico na Aruba.
Tambe e ta reconoci cu su trabao recien como Curador-Museografo y Coordinador di e Exposicion Mare Nostrum Venezuela, uniendo Aruba, Hulanda cu Caribe den e Museo di Arte Contemporaneo di Zulia, patrocina pa UNOCA – MONDRIAAN FONDS y otronan.
“Jimmy Yanez ta e candidato ideal pa Aruba Art Fair 2018, na unda e lo por diseña un proyecto expositivo social, emocional y real. Tito Bolivar, Director di Aruba Art Fair ta confirma. Como asesor na Presidente di e Fundacion di Museonan diARUBA, Yanez lo por yega na colaboración entre Arte, Cultura, Museo y Street Art cu lo ta algo ideal pa sigui cu e focuspa pone Aruba riba e mapa Internacional di Arte.
Jimmy Yanez lo ta proximamente na Aruba pa inicia su trabao como e curator y asesor di Aruba Art Fair 2018. Artistanan cu lo kier participa na Aruba Art Fair 2018 por inscribiviawebsitewww.arubaartfair.com.
Aruba Art Fair 2018, ta posibel a trabes di partnership entre otro, Aruba Tourism Authority Sui Generis, Prins Bernhard Fonds Caribe, Unoca, Divi Resorts Aruba, AIS& VNO Aruba.