E dos miembronan cu a bandona e board di AHATA, ta pa motibo di tempo cu nan no tin, segun CEO di AHATA, Jim Hepple.
Un di e gerentenan general a informa AHATA, entre nan esun di Holiday Inn, cu debi na compromisonan comercial, biahamento y tambe ta deal hopi cu asuntonan corporativo, cu ta demanda y durante bishita, e mester tey, y esey ta un di e motibonan cu no por ta den e board. Consecuentemente pa motibonan personal, el a baha. Holiday ainda ta un miembro di AHATA si. Pa loke ta Hilton, nan ta sali afo, pero no tin nada por escrito pa confirma esaki. Te cu recien, Hilton ainda ta keda como un miembro di AHATA y den e hunta, cu ta bisa lo contrario.
Pa ta miembro di AHATA, no ta un obligacion, sino boluntario. Riu no ta un miembro di AHATA. Na October di 2013, Riu basicamente a bisa cu nan a cambia di idea y pa nan bira miembro di AHATA y ta parti di e comunidad. Tanto Riu Palace y Riu Antillas, ta miembro di AHATA pa algun tempo caba y bon miembro tambe, segun Hepple. Normalmente, ora cu un hotel nobo bin of un hotel ta cambia di doño, nan ta wordo acerca y nan ta wordo splica di e beneficio y e bentahanan pa ta un miembro, pero e no ta algo mandatorio.
Segun Hepple, AHATA den esaki nan ta hopi fortuna cu mayoria di e hotelnan ta miembro y nan ta compronde e beneficio pa ta un miembro, cu ta algo boluntario. Cu miembronan aliado, ta mesun cos. No ta manera Camara di Comercio cu bo tin cu licencia bo mes. Aki nan ta scoge pa ta miembro di AHATA y ta haya aplicacion pa bira miembro cada biaha y nan ta contento cu esaki.
Obviamente si tin un sentido cu e organisacion ya no ta sinti cu AHATA ta algo cu ta beneficia nan, cual ta lamentabel, nan decision. Pero Hepple a splica cu di e 23 hotelnan, 22 di nan ta miembro. A sinti cu ta provee un voz unifica pa e sector aki. Tin 70 miembro aliado, haciendo esaki 90. AHATA ta contento cu su miembronan y ta keda ricibi aplicacion pa miembrecia. Cu e hunta directiva, nan tin 15 director. No tur ora bo ta haya acuerdonan riba cierto casonan, pero una bes cu un decision wordo tuma, tur hende ta keda satisfecho, segun Hepple.