CEO di AHATA, James Hepple, ta splica cu te asina leu, ATA tin algun programa na su luga. Tempo cu e tabata Cruise director na Corsou, basicamente nan tabata regala DVD riba e destinacion, pasobra bo no ta haya suficiente tempo pa mira e isla completo ora cu bo tey, ta algun ora tin pa haya un taste di dje.
Te asina leu cu Hepple sa, ATA tin programanan na nan luga, hopi di nan riba internet.
A move for di DVD y ta haya e informacionnan aki online.
Tipicamente ta dificil pa converti un bishitante crucero pa un bishitante terestre. Tin un cantidad cu ta scoge pa crucero riba estadia fiho. E bishitante crucero ta custuma cu e producto y pa switch ta dificil.
Tin oportunidadnan, particularmente cu e bishitantenan crucero di Merca. No ta algo cu ta traha duro riba dje, specificamente, awor cu ATA ta adresa riba dje.
Hepple a sigui splica cu e sa di cierto desaroyonan cu ta trata di e facilidad di megayate na Aruba. E reto cu nos tin ta cu compara cu mas nort den Caribe, manera St. Maarten of US Virgen Island, cual ta hopi famoso pa nan turismo di yate, cual ta islanan hopi cerca, cual ta djis bay di un isla pa otro. Ta mas dificil aki na Aruba y no tin e mesun oportunidad. E costa di Venezuela no exactamente ta e luga di mas sigur desafortunadamente. Despues por bay Corsou of Boneiro of por ta hasta bay Cartagena. Pa e doñonan di Megayate, ta prefera e parti nort di Caribe, compara e parti oost, pero ta algo cu nan ta bezig ta explorando.