AHATA a deduci cu tin mester di mas preparacion ora di mal tempo cerca e hotelnan, ta loke Jim Hepple, CEO di e asociacion a comenta.
El a splica cu e structura di Divi cu ta cerca di awa a haya algun daño durante e mal tempo cu nos a ricibi ultimo. Pero e daño principal a cay pa e beach. Algun hende cu tin varios aña ta biniendo Aruba, a comenta cu esaki ta mescos cu 1999 tempo di horcan Lenny.
Awor aki e beach entre Tamarijn y Divi ta puro piedra. Tambe e otro beachnan a haya impacto di yerba di lama, cu mester a wordo removi, pero generalmente bisa, e sentido general ta cu cada un hotel a perde hopi santo y tin cu wordo reemplasa. Segun Hepple, Hyatt tambe a haya daño na un di su piernan cu e ta ireparabel.
DOW tabata yudando hopi. E director ta on top di e situacion yudando e hotelnan. Awor nan ta bay haci un assessment di cuanto santo tin mester y cuanto santo tin cu bay wordo reemplasa.
E otro preocupacion ta cu tin varios potret ta circulando riba internet. Huespednan potencial ta preocupa cu si nan bin Aruba, nan no lo haya e beach cu nan ta spera. Hepple sa cu e director di DOW ta on top di e situacion.
Tin hopi trabao ta wordo haci y tin cu wordo haci rapidamente. Awor aki e accion di lama a stop y no lo bay tin mas perdida di santo. Awor aki tin cu cuminsa adresa con ta bay reemplasa e santonan aki, segun Hepple.