Durante e ceremonia di Citgo diabierna mainta e Vice president of PDVSA Refining, Commerce and Supply, Jesus Luongo a splica cu e dos paisnan aki ta ruman di otro pa hopi aña. E ta splica kico ta e plannan cu tin pa futuro.
Esaki ta un hecho historico cual ta e reapertura di e refineria. No solamente e tema di reapertura. E ta un parti chikito di relansa e relacionnan estrecho cu tin entre e pueblo di Venezuela y e pueblo di Aruba, basa riba e vitrina nobo di e gobierno Revolucionario Bolivariano, cual ta e solidaridad. Venezuela, ora e sali pa haci negoshi, of instala relacion, e ta recoge e bandera di e libertadornan, cu e soño di e patria grandi Latino Americano. Un solo pueblo, un solo cultura y un solo interes. Aruba ta un pueblo ruman di Venezuela. Ta comparti raisnan comun. Famianan cu ta biba na Aruba tin famia na Venezuela y viceversa. Incluyendo presidente di Venezuela, Nicolas Maduro tin su famia aki na Aruba.
E banderanan cu ta lubida a wordo recogi pa Hugo Chavez y tabata na mundo den e mision importante aki pa concebi como un solo pais y un solo patria. E hecho di habri e refineria, ta un prome paso, cu ta duna un sin fin di posibilidadnan importante pa profundisa e relacionnan, referiendo riba tur campo. No solamente e campo economico, caminda cu obviamente, cu tur trabao lo bay facilita cu mayoria di e hendenan ta di Aruba. Tambe lo bay tin e impacto economico den loke ta nifica traha cu un refineria. Tin hopi mas cos.
Ta e politica di e gobierno Venezolano den educacion, salud, transporte. Esaki ta un gobierno cu tin cu debe na su pueblo y semper traha pa busca e maximo felicidad y esey ta e meta y aki na Aruba esey por wordo logra.
E proyecto di gas lo bay ta tin un impacto mayor cu e impacto cu e apertura di e refineria tin. A menciona loke ta nifica for di e punto di bista di Aruba, un pais Green cu ta bay alinea cu ta bay alinea cu e proyecto turistico. Gas pa esun cu ta produci awa, coriente, lo bay baha e costonan substancialmente. E lo bay tin un beneficio directo pa e pueblo di Aruba cu lo por bay mira mehora su calidad di bida, pasobra e lo bay aumenta su poder adkisitivo.
Segun Luongo, lo bay tin mas. A bin ta desaroya na Venezuela un proyecto di gas cu yama Gas Natrural Vehicular. Nan tin mas di 220 mil vehiculo converti den gas. Nan ta funciona dual. Nan ta funciona cu gas y nan ta funciona cu gasolin. Imagina kico esey ta nifica cu yegada di gas na Aruba y cu por uza gas pa vehiculo. Otro di e temanan importante pa Aruba riba costo di pueblo cu ta transporte publico, segun Luongo.
- Latest
