BREDA, Hulanda- Jesse Dingemans, di 8 aña, cu na December 2006 a wordo mata na su scol na Hogerheide, lo a wordo hinca mata pasobra cu e tabata tenta e ruman di e asesino, Julien C, di 22 aña e tempo ey.
E mucha lo a “cay” ariba e cuchiu. Cu e declaracion “straño” aki, C. a presenta den Corte di Breda dialuna. Esaki ta e prome biaha cu e ta papia over di e caso.
E homber, cu aworaki tin 32 aña a wordo condena na 12 aña cu TBS (ter Beschikking stelling). Actualmente, e por sali, si e ta acompaña. Pero Ministerio Publico kier pa su tbs wordo prolonga y no ta kere e storia di C.
E chance pa C. ripiti algo asina ta grandi, segun fiscal a bisa den Corte dialuna. Segun un experto, ainda despues di tur e tempo, C. no ta realisa kico el a haci.
“Ainda e no tin un bista di tur e sucedido. E no ta mustra su mesun vulnerabilidad psycotico y ta demostra un conducta social agradabel”, segun e fiscal.
E asesinato a schock e pais completo. E juffrouw di Jess a hay’e banda di 11:25 cu heridanan serio na su garganta den un klas. Su compañeritonan di klas tabata den e local na e momento ey. Jesse, cu durante e conferencia di prensa tabata wordo yama “chikito” a bay bek su klas pa busca su “werkje” cu el a laga atras. Ora cu e no a bin bek, su juffrouw a dicidi di bay check pe. Alarma a wordo bati di biaha.
Fuente: www.detelegraaf.nl